واحدت صحبتي 15 يوم مشفتها هي سميرة شوية نهار جات لعندي معرفتهاش بيضت مشات سمورية سولتها كالت ليا دارت وصفة صحراوية كالتها ليها مرت عمها صحراوية بل منطول عليكم نخليكم مع التفاصيل نص لتر حليب باكية الغاسول الابيض صابونة دوف البيضاء نصف قنينة ماء ورد كتفيضي الحليب بوحدو وتحيديه من فوق العافية وكتزيدي عليه الصابونة من بعد ما حكيتيها في الحكاكة وكتخلطي مزيآآن ثم كتضيفي ماء الورد والغاسول الابيض وكتحركيهم مزيان يمكن ليك ديريهم في مولينكس باش ينساجمو او تخلطي غي بالملعقة من بعد ملي يبرد كديريه في شي بواطة كتسدي عليه وكديريه في الثلاجة غادي تلاحظي انو كيبان سائل ولكن النهار التالي غادا تلاحظيه ولا بحال الكريم طريقة الاستعمال غادي نستعملو تقريبا الكمية لي ممكن نحتاجو من الخليط ونرجعو البواطة مباشرة للثلاجة باش تبقا عندنا مدة طويلة وما تخسرش كتدهنو بيه كلشي الجسم وكتخلوه مدة 3سوايع على الاقل و من الاحسن و الافضل ديروه بالليل ومع الصباح دوشو كتديري الوصفة يوميا على الاقل واحد الاسبوع متابع ومن بعد وقتما رشقت ليك كتديريه اما 2 او 3مرات في الاسبوع لانو كيبقا عندك بزاف الخليط و بنسبة للوجه:كتعملي الوصفة وكتخليها حتى تنشف وكتغسلي وجهك اذا كان وجهك جاف استعملي موراها الكريم المرطب الخاص بيك استعملي الوصفة على وجهك 2 حتى 3 مرات بالاسبوع نتمنى تجربوها حتى انا صوبتها اليوم
شفتها بياضت سولتها عطاني الوصفة دخلو حتى نتوما تستافدو
