المكونات:

الطبقة 1:

بسكويت اصابع البيض Boudoirs نغمسوها في كاس عصير البرتقال ونستفوها في قالب كيتحل

الطبقة 2:

نصف لتر حليب نخلطوهم مع 2 ساشي فلان اي نوع و2 معالق كبار سنيدة نعملوهم فوق نار مع تحراك حتى يغلى نديرو علبة من كريم السائلة او (3دانون جوكي او بيرلي) ونكملو تخلاط ونزيدو عليهم نص علبة من بيسكوي مطحون مزيان ديرو اي نوع المهم من 15 حبة استعملت (GALLETA MARIA GULLON DORADA PAQUETE 600g ) نخلطوهم بالخلاط الكهربائي ونديروهم مباشرة فوق الطبقة 1 وندخلوه للمجمد يبرد

الطبقة 3:

كاس حليب بارد نخلطوه مع ساشي كريم شانتي نحليوه يطلع 10 دقايق ونزيدو 2 معالق حليب محلى وساشي فلان فاني ونخليوه يتخلط 3 دقايق في الخلاط ونزينو بيه الطبقات بجوج ندخلوه للثلاجة على الاقل ساعتين وبالصحة والراحة
الصور كتوضح كلشي.