دجاج محمر على طريقة الأعراس نغسلو دجاج بالملح والحامض نخليوه شي نصف ساعة نغسلو ونخليوه يتسقطر من بعد نشرملو ب الملح البزار خرقوم سكنجبير ابزار بيض التوم سمن الربيع قزبر كتر من معدنوس حامض مصير زعفران حر شوية الماء ليلة كاملة الغد نديرو في طنجرة نضيف البصلة محكوكة والزيت نار متوسطة نشحروه غير بشوية نقلبوه من بعد نزيد نضيف شوية الماء ونخليه يطيب ملي يطيب نحيدوه كن طنجرة ندهنوه بلهريسة والزبدة ويدخل الفران يتحمر الطنجرة نضيف ليها البصل مشلض على حسب الدغميرة والكبد مصلوق شوية في الماء والخل والكنزة نكونو درناه مع الدجاج تطيب معاه تبقاو تحركو في الدغميرة مرة مرة ضروري ويزيد شوية قرفة وشوية سنيدة تاتوقف في زويتة ديالها ونقدموه كيفما في الصورة وبصحتكم
