جينواز: مقادر 8بيض+ 300 غ سكر + 180 غ فرينة + نصف باكي خميرة كميائية+قرصة ملح+ فاني...ضربي بيض مع سكر و ملح و فاني مليح مليح باباتوغ حتي يولي لخليط دوبل و رغوة بيضا زيدي لفرينة مغربلة مع لخميرة و خلطي بملعقة خشبية ولا سبتولا غي بشوية ديري لخليط في مول مدهون بزبدة و مرشوش بفرينة دخليه لفرن 160درجة~كي توجد لجينواز من الاحسن تخليها 8 سوايع ولا اكتر ترتاح قبل تزيين. كريمة ليمون: 100 غ سكر + 50 غ زبدة + 2 بيض + مبشور ليمونة + عصير 2 حبات ليمون ضعي لكل في كسورنة و ضربي بضراب يدوي حتي تعقد لكريمة صفيها بمصفاة. كريمة شانتي: 300غ شانتي + 3 فناجين تاع تاي حليب بارد ضربيهم باباتوغ. سيرو: 2 كؤوس ماء + 2كؤوس سكر في سكرونة فوق نار يغلو 10 دقايق حتي يدوب سكر و تستعمل باردة. بالصحة والراحة
