انا مكانتش الدورة الشهرية منضمة ليا بسبب التكيس عامين انا ناكل في الدوا ديال الاطباء متنضمتش حتى قريت في المنتدى الدغموس كيحيد التكيس وكينضم الدورة انا نمشي شريت الدغموس استعملتو سيمانة الحمد لله تنضمت لي الدورة
مقبل رمضان بسيمانة كانت فيا الدورة الشهرية نهار اخر درت وصفة ديال سكنجبير والغد ليه درت هاد والوصفة عطاتها ليا واحد السيدة الله اجازيها بخير هي مولدتش 14 عام سبحان الله درت هاد وصفة حملت بها من بعد ارادة الله سبحانه وتعالى وعرفت بزاف حملو بيها
وصفة هي كتخدي شريحة نص كيلو كطيبيها في القياس ديال الماء لعرفتيها غادي طيب فيه تخليها حتى تعسل وطفي عليها البوطة خليها تبرد طحنيها في المكينة ديال اليد ديال مطيشة زيدي عليها معلقة مساحن معلقة حلبة مطحونة معلقة حبة سوداء مطحونة معلقة حب الرشاد مطحون كتخلطيها مزيان وتزيدي عليها شوية العسل وشوية الزيت العود انا زدت من راسي لوز وزعفران الحر وكتاكلي معلقة على الريق ومعلقة الى بغيتي تنعسي حتى دخلي الفراش والى بغا راجلك اياكلها عطيها ليه بالليل انا صراحة مكلهاش كوليها مدة سيمانة وحبسيها
والله يا البنات الى حملو بها بزاف غير جربوها
كترو من الدعاء والاستغفار وقيام الليل والصدقة بنية الحمل
والله افرحكم ودعيو معايا ربي اثبت حملي ورزقني الدرية الصالحة معافاة
واي سؤال انا موجودة
