إن شاء الله أفتتح جدول لتحضير كل مايخص رمضان من أكلات أو معجنات وحلويات لتجميد لنتفرغ بإذن الله للعبادة والذكر
سنبدأ بإذن الله أسبوعين قبل رمضان إن شاء الله
1 الحلويات
2 المملحات
3 المعجنات
4 ترقاد اللحوم [ لحم ، سمك ، دجاج ]
5 تنظيف وتجميد القزبر والبقدونس
6 تحضير المحليات
7 تجميد أنواع من الفواكه
8 كيفيت تحضير مجموعة من الشوربات
وإن شاء الله أي حاجة درتها غنحط الصور والمقادير وطريقة التجميد
اللهم بلغنا رمضان وكل عام وأنتم بألف خير
ربي إخليكم وإحفظكم وإعطيكم كل مكتمناو وإسهل عليكم وإفرحكم وإحجبلكم وليداتكم يارب وإبلغنا وإياكم رمضان ويغفرلنا ذنوبنا
غنحطلكم ليوم الحرشة ، كروسة بالجبن ، كيكة الجزر والليمون كلهم غنجمدوهم
الحرشة
4 كيسان كبار سميدة
2 كيسان كبار حليب بارد
كأس زيت
2 خميرات
2 بيضات
كأس سكر
قبصة ملح
نخلطو كلشي ونطيبوه كناخدوكورة قدر الكف ونسخنو المقلة ونرشوها باسميدة ونقرصوها صغيرة وغير دير نفيخات تقلب وطيب على الجهة الأخرى ونخليوها تبرد ونستفوها فبلاستيك والى المجمد
كرواصة بالجبن والحبة السوداء7 كسان دقيق
2 كيسان نيدو
2 كيسان سكر
معلقة ك ونص خميرة
2 خميرات
ملح
بيضة
كأس زبدة مذوبة
لماء دافئ
لعجينة تكون خفيفة ندلكوها مزيان ونخليوها تخمر ونسرحوها بدقيق ونقطعوها مستطيلات ونعمروها بالجبن كيري ولا البقرة الضاحكة ونخليوها تخمر ونذهنوها بأصفر البيض وحليب ونيسكافي مخلطين ونرشوهم بالحبة السوداء
وهاهما غيدخلو لثلاجة وهناك المزيد إن شاء الله
ليوم نقتارح عليكم بيتزات صغار ،خبيزات ملويين ومشرملين
دقيق فرص +ملح +معلقة خميرة حمرا شوية زبدة مقطعة طراف باش تسهل العجن +معلقة ديلموتارد +قبصة إبزار خميرة
الحشوة :كفتة +بصلة مشلدا +الجزر +ملح+إبزار +زاعفران +سكينجبير + ربيع
•طريقة نعاجنو العجين ونخليوه إرتاح شي ٥ دقائق ومن بعد نعاملوه كويرات بحال لمسيمن ونداهنهوم بزيت
•وفمقلا ندير زيت البصلةو الجزر وملي تحل وتولي حبيبات نزيد تاوابيل وربيع ونخليوها طيب وملي تنشف نخويوها فشي زلافة باش تبرد
•ناخد لكويرة ديلعجينا نعملها دايرة يعني تغرس بحال لمسيمين ندهنها بالخليط نبدا نلووي بحال سيجار وملي تسالي نلوها بحال شكل الحلزون
•ونساتفوهوم فلاتة مدهونة بزيت ونداهنوهوم بل البيض ونداخلوهوم الفرن
بيتزات صغار
للعجين؛
نصف كيلو دقيق
2 معالق نيدو
معلقة الزعتر
ملح
معلقة ص سكر
معلقة ك زيت لعود
معلقة ك خميرة
1 خميرة حلوى
ماء دافئ تكون لعجينة مرخوفة كتلصق ونخليوها ترتاح ونفرشولها دقيق ونرشوها من لفوق بالدقيق ونسرحوها فالطاوة ونقطعوها دوائر ونديرو الصلصة والحشوة الي بغينا والجبن المحكوك ونستفوهم فبلاتو وندخلوهم إجمدو ونلفوهم فبلاستيك ونديرو وحدة فوق وحدة كل وحدة فبلاستيكتها غير تبغيها خجيها ودخليها الفران طيب 10 دقائق
حبيبتي كندير بزاف هاد لملوي كيجي بحال رزيزة كلو وراق وراه جربوه لبنات وجاهم غزال وكنكونجليه حتى هو
عجين لمسمن عادية [لفورص ولفينووملح ولماء
ثوم لقصبي مقطع رقيق
كنكورو لمسمن ونطويوه على 4 ونحطو وحدة على وحدة حتى نكونو 6 ونورقوه بالزبدة وسميدة وخميرة دلحلوى مخلطين والثوم القصبي ونلويوه بحال شنيك ونورقوه عادي ونطيبوه فمقلة ثقيلة كيجي لذيذ بزاف
حبيباتي هاني جيت فالموعد الي قلتلكم نبداو على بركة الله كل نهار غنوجد حاجة ونحط الصور والي عجباتها شيحاجة تبع معايا ونوجدو مجموعين باش إكون حماس وليوم وجدت سلو طلع غزال غنحتاجو بإذن الله ل:
نصف كيلو دقيق محمر
نصف كيلو للوز مسلوق ومقلي ونحتافضو بالزيت
نصف كيلو جنجلان محمر ومطحون ونخليو كأس صحيح
2 جوزات مطحونين
معلقة كبيرة مسكة حرة
زلافة صغيرة نافع محمر ومطحون
زلافة حبة حلاوة محمرة ومحونة
معلقة كبيرة قرفة مطحونة
زبدة مدوبة ومخلطة مع الزيت الي قلينا فيها اللوز
روح اللوز ختياري أنا ضفتو كيعطي مذاق وريحة ممتازة
كأس عسل
2 كيسان سكر كلاصي
لملح
الطريقة:كنغربلو دقيق ونضيفو اللوز جنجلان حبة حلاوة لجوزة النافع لملح لمسكة لقرفة سكر كلاصي مغربل نخلطوهم مزين نديرو حفرة نخويو زبدة مخلطة بزيت وروح اللوز ونعجنوه مزيان حتى تحسي بزنجلان واللوز تعصرو من زيوت ديالهم غير عريو على لكتيفات هههههههه ونضيفو لعسل ونخلوه مزيان وهاهو وجد نتمنى إعجبكم الي كلاه عندي فرمضانات الي دازو كيجبو نتمنى تجربوه
يتبع
بالصحة والراحة ورمضان مبروك عليكم موعدنا فالغد مع حاجة أخرى
ودابا ندوزو لشغل هههههه صاوبت لمسمن ورزيزة ولملوي وتريد لرفيسة وكلشي غنحطو فثلاجة ولمقادير معروفة غنحتاجو:
لفورص
لفينو أو دقيق لقمح الصلب
ملح
شوية لخميرة قبصة
لماء فاتر
لتوراق؛ زبدة مذوبة مخلطة مع زيت وسميدة وخميرة لحلوى
والطريقة فالصور
هذا تريد
يتبع
وهدا لمسمن
يتبع
وهدي رزيزة درتها فصباح ولكامرا كانت فلبيت وخفت نجبدها نفيق بنتي ونصدق مدايرا والو ههههه ولاكن طريقتها معروفة إن شاء الله مرة أخرى نحطها بتفاصيل
يتبع
وهدا لملوي
يتبع
هذا لبطبوط بالزعتر
لفورص
دقيق لقمح الصلب
خميرة
ملح
ماء دافئ
معلقة لعسل أو سكر الي بغيتي
نيدو والزعتر
وهاهي لمراحل بالصور
