كيكة بسيطة ورائعة بطريقة جديدة مقادير كيكة بسيطة ورائعة بطريقة جديدة 2 بيضات كاس صغير كوك كاس العنبة زيت 200 غ سكر 200 غ دقيق عصير 1 برتقالة لسقي الكيك 2 خمارات من فئة 7 غرام برتقالة مسلوقة 2 مرات ( يعني نسلقوها فالما المرة الاولى ونبدلو ليها الما ونردوها تسلق مرة أخرى باش ميبقاش فيها المرار ديال القشرة ) طريقة تحضير كيكة بسيطة ورائعة بطريقة جديدة بالنسبة للكيكة في الخلاط الكهربائي نطحنو البرتقالة بعد ما نقطعوها ونحيدو ليها العظم مع السكر من بعد نضيفو الزيت والكوك ونخلطو
نفرغو الخليط في إناء آخر ونضيفو ليه الدقيق والخميرة ونخلطو ندهنو المول بالزيت ونرشوه بالدقيق ونفرغو فيه الخليط وندخلوه لفرن مسخن من قبل على 160 حتى ل 170 درجة
ملي تخرج الكيكة من الفرن نسقيوها مباشرة بعصير برتقالة ونخويو عليها الكريمة لي نوجدو ملي تكون الكيكة كطيب
بالنسبة لكريمة نحتاجو ل كاس عصير البرتقال م ك نشا أو بودرة الكريم باتسيير 3 م ك سكر أو حسب الذوق ياغورت الطريقة نخلطو الكل ونعملوهم فوق النار مع التحريك حتى يعقاد ثم نضيفو عليه دانون بنكهة الكوك أو البرتقال
بالنسبة للتزيين شرائح البرتقال معسل نقطعو دوائر من البرتقال ونغليوهم فالما2 مرات نعملو 3 م ك سكر + م ك ماء في مقلة حتى يدوبو مزيان ونضيفو عليهم قطرات من الحامض ونزلو دوائر البرتقال يتعسلو بلا ما يتغير لون السكر ونبقاو نقلبوهم مرة مرة
بعد ما يبردو نقطعوهم من الوسط من جهة واحدة ونزينو الكيكة ديالنا كيف واضح فالصور وعملت دوائر من النوغاتين
